من هو بقى ما جاهر بتهديده .!

 

 

 

من هو بقى ما ضاق منا وناشد ..

من هو بقى ما جاهر بتهديده .!

ياما صرخنا اسقطوا هالجاحد ..

والحر واجب دعمه و تأييده

لأنه قتل شعبه بقلبن جامد ..

وإيران تدعي بحياة نمديده

والروس تدعم بالحديد الصامد ..

بالجو وإلا في أراضي بعيده

ودرعا تنادي مافي منكم واحد ..

كالمعتصم هذا اللي والله نريده

ويرجع صدى أصواتهم ونشاهد ..

بعض الجثث الطاهره والشهيده

ماهي غريبة دم شخصن ساجد ..

من قبلها القدس أسهل صيده

واللي ينادي قوم يالله نجاهد ..

وهو كل همه الفولو عنده يزيده

يكسب عدد اصواتهم ويساعد ..

هذا العمل في سمعته ويفيده

وأكيد يدري الشعب دمه بارد ..

وهشتاق أكثر فعل أو تغريده

ومن بعدها يسمع لاغاني راشد ..

و يجر مع صوت الحزن تنهيده

يعني تركنا قدسنا للحاقد ..

واليوم هالبشار نبغى نبيده.؟!

فولو = follow

كُل الأشياء الجميلة ( تمُوت ) مُبكراً *

قالوا الأشياء الجميلة ما تعمر بالحياة
يعني فجأة تذبل الوردة أو يقتلها  أحد

ومهما زان القرب و أغراك بصباه
انتبه تضمن وجودي أو وجودك للأبد

 

 

* العنوان مقتبس

كل عام وانتم بخير

كل عام وحالك أحسن من العام ~
ومبروكة الأعياد –وعيدك مبارك–
يارب تبقى فرحتك طول الأيام ~
وتعم هالفرحه –جميع اهل دارك–

المقفين

أنا مالي و للمقفين حاجه … وإن لي حاجتن ربي يسامحه فيها
لو رجع يا مرحبا و يا حيه …. و إن ما رجع / ما جبت له طاريها

.

.

نام ~

.
.

نام واترك كـل هالعالم { وراك }
أو { تعال } اغفى على صدري هنا

خلني “ وحدي “ أحلق في سماك
~ وازرع البسمه واسقيك الهنا ~

{ ما ابالغ } لو أقول إني معاك
” ما أحس “ بهم قلبي والعنا

….. ما أحبك /
بس والله من غلاك
ودي جروحك تجي بقلبي أنا

.
.

ما دريت

 

ما دريت ان العيون تبيح الأسرار .؟
لا صرت قدامهم وزاد همك
.. غمض عيونك  ..

 

 

 

 

لا تغرك ضحكتي ~

لا تغرك ضحكتي وبسمة شفايف
ولا تغرك فرحتي وبعض المزوح

لا تظن إني مثل ما إنت شايف
بس فيني قلب يرفض لا يبوح

خافقي مهموم وتملاه الحسايف
وتجتمع في داخله كل الجروح

دوم اكابر يا زمن قاسي وزايف
ولا خليت بوحدتي ابكي وانوح

ما أبيها تضيق لي صدور الولايف
لجلهم ببني من الفرحة صروح

بكتم الآهات ووقتٍ منه خايف
يمكن الأوجـاع بالضحكة تــروح

بعض البشر

بعض البشر يعشقك لا قلت أحبك ..
وبعض البشر لا قلت أعزك تغلى  ..

ازرع فرح في قلب من حب وصلك ..
ولا تجرح  اللي لك خفوقه تمنى  ..

خلك مع اللي يدفع العمر لـ أجلك ..
ولا ينتهى عمرك مع اللي تخلى  ..

~

 

من علّم الوافي معاني الخيانة .؟
وهل هو صحيح اللي يحبك يسبك .؟
يا كيف يجمع بين غدر وأمانه .؟
و لامن كشفته قال والله احبك .!

 

!

يا من تدور للخطأ اعذار ..
عذرك ترا ابشع من سواتك 

ياليت ما قلت لي وش صار ..
ياليت ما فصلت.. ياليتك